Kaixo, familia!
Aurtengo inauteriak koloretsuak bezain "busti"ak izan dira. Euriak gure asmoak pixka bat blaitu dituen arren, eskolako komunitatearen gogoa eta irribarrea ez ditu itzali. Planoak aldatu behar izan genituen azken unean, baina dakizuen bezala, guk badakigu egoera bakoitzari martxa hartzen!
Hona hemen aurtengo kronika laburra eta eguneko unerik onenak biltzen dituzten bideoak:
HH2: Txikienak, beren saltsan!
Eskolako txikienek ez zuten arazorik izan eguraldi kontuekin. Urtero bezala, HH2ko ikasleek eskolako babesean ospatu zuten festa. Mozorroak jantzi, musika jarri eta gure gela eta pasilloak kolorez bete zituzten.
HEMEN IKUSI DEZAKEZUE HH2KOEN BIDEOA
HH3, HH4 eta HH5: Aterpea dantzaleku bihurtuta
Gure asmoa frontoira hurbiltzea zen, baina hodeiek ez ziguten utzi. Hala ere, aurreko asteetan gogor prestatutako dantzak ez ziren alferrikakoak izan! Frontoira joan beharrean, eskolako aterpean dotore-dotore dantzatu zuten 3, 4 eta 5 urtekoek. Euritakoek ez zuten gure artisten distira estali!
LH: Kalejirarik ez, baina emanaldi borobila!
LHko ikasleentzat kolpe handia izan zen kalejira bertan behera geratu dela jakitea; auzoko kaleak alaitzeko gogo handia genuen. Baina, badakizue zer? Festak frontoian jarraitu zuen! Kalejirara atera ezin izan genuen arren, frontoiko emanaldia egin ahal izan genuen.
Euria egin duen arren, argi geratu da gure eskolan inauteri-izpiritua ez dela erraz itzaltzen. Mila esker ikasle, irakasle eta familiei zuen egokitzeko gaitasunagatik eta, batez ere, zuen alaitasunagatik!
Hurrengo urterako eguzkia enkargatuta daukagu! ☀️