Saltatu eta joan eduki nagusira

M8 Elatzetan - Gure emakume kuttunak!

 Martxoaren 8an Emakumeen nazioarteko eguna ospatzen da. Aurten, ikasle bakoitzak berarentzat kuttun den emakume baten argazkia ekarri du eta argazki guztiekin mural handi bat osatu dugu auzoko frontoian. 


Ikusi nahi duzue, nola osatu genuen murala? Sartu hemen! 

Oharra: Murala ikusgai duzue ikastetxean, idazkaritza ondoko kristaleran!

IKUSIENAK

Inauteriak blai, baina irribarrez gainezka!

 Kaixo, familia! Aurtengo inauteriak koloretsuak bezain "busti"ak izan dira. Euriak gure asmoak pixka bat blaitu dituen arren, eskolako komunitatearen gogoa eta irribarrea ez ditu itzali. Planoak aldatu behar izan genituen azken unean, baina dakizuen bezala, guk badakigu egoera bakoitzari martxa hartzen! Hona hemen aurtengo kronika laburra eta eguneko unerik onenak biltzen dituzten bideoak: HH2: Txikienak, beren saltsan! Eskolako txikienek ez zuten arazorik izan eguraldi kontuekin. Urtero bezala, HH2ko ikasleek eskolako babesean ospatu zuten festa. Mozorroak jantzi, musika jarri eta gure gela eta pasilloak kolorez bete zituzten. HEMEN IKUSI DEZAKEZUE HH2KOEN BIDEOA HH3, HH4 eta HH5: Aterpea dantzaleku bihurtuta Gure asmoa frontoira hurbiltzea zen, baina hodeiek ez ziguten utzi. Hala ere, aurreko asteetan gogor prestatutako dantzak ez ziren alferrikakoak izan! Frontoira joan beharrean, eskolako aterpean dotore-dotore dantzatu zuten 3, 4 eta 5 urtekoek. Euritakoek ez zuten gu...
Ikusi gehiago »

M8: Gure Eskualdeko Emakumeak Ezagutzen 💜

  Kaixo familia! Aste honetan zehar, martxoaren 2tik 6ra , gure ikastetxea morez jantzi da Martxoaren 8a, Emakumeen Nazioarteko Eguna , ospatzeko. Gure helburu nagusia egun honen zergatia aztertzea eta berdintasunaren garrantziaz jabetzea izan da. Hona hemen aste more honetan bizitako une garrantzitsuenak: Emakume Erreferenteak eta Sormena Gela bakoitzak eskualdeko emakume bat aukeratu du eta bere bizitza zein lorpenak jasotzen dituen poster bat landu du. Horrez gain, gure pasiloak tulipan morez eta eskulan ezberdinez apaindu ditugu , ingurune atsegin eta aldarrikatzailea sortuz. Jolasa eta Literatura Euskal Herriko emakumeen inguruko "Roscoa" egin dugu egunero , eta sarreran "Txoko Morea" jarri dugu martxan , gai honekin lotutako liburu eta proposamen bereziekin. 🎶 Amaiera Ekitaldia Ostiral arratsaldean, LH-ko patioan elkartu gara "Elektrizitatea 25" abestia ozen kantatzeko . Pultsera moreak banatu ditugu eta gure ikasle batzordeak egindako pankart...
Ikusi gehiago »

Korrika Elatzetan: Euskararen aldeko olatua!

  Aupa Elatzeta! Aurtengo Korrika ere berezia izan da gure eskolan. Sentitu dugu euskararen aldeko indarra gure geletan, pasiloetan eta, nola ez, gure inguruko kaleetan. Ekintzaz beteriko astea izan da, eta denon artean lortu dugu euskara plazara ateratzea eta ospatzea. Hemen duzue gure Korrika astearen laburpena, bideo eta irudiekin! 1. Elatzetako Korrika Txikia: Gure Olatua! Gure ikasle, irakasle eta laguntzaile guztiak prestatu ginen gure Korrika Txikirako. Petoak jantzi, lekukoa prestatu eta... korrika! Auzotik egindako ibilbidean, euskara oihukatu eta sentitu genuen. Tutoreen, laguntza-irakasleen eta bidegurutzeetako zaintzaileen lanari esker, dena primeran joan zen. Baita oinez geratu zirenak jasotzeko sistema ere! Hemen duzue Elatzetako korrikaren laburpen bideoa. Ikusi zein giro ona! ESKOLAKO KORRIKAKO BIDEOA 2. Irungo Korrika Txikia: Hirian barrena! Baina gure eskolako ekintzez gain, Irungo beste ikastetxe batzuekin batera ere  parte  hartu genuen  Irungo Ko...
Ikusi gehiago »