ELATZETAKO BLOG OROKORRA

  Gaurtik aurrera martxan da Euskaraldia 2025 ! Hamaika egunez, gure hizkuntza-ohituretan eragiteko eta euskaraz bizitzeko urrats berriak emateko garaia da. Aurten ere, Elatzetak bat egiten du Euskaraldiarekin , eta Ahobizi zein Belarriprest roletan parte hartzera animatzen dugu gure komunitate osoa. Euskaraldia ez da kanpaina hutsa: herritarren arteko harremanetan euskararen erabilera handitzeko ariketa sozial erraldoia da. Gure ingurunea eraldatzeko eta euskara lehenesteko aukera paregabea. 🎥 Euskaraldiaren hasiera bideoa ikusteko,   👉   klikatu hemen! Egin dezagun denon artean Elatzetan euskaraz bizitzeko hautua errazagoa. Guk geurea egingo dugu... eta zuk? #Euskaraldia2025 #ElatzetaEuskaraldian #Ahobizi #Belarriprest

  Maiatzaren 8an, Elatzeta kolorez eta biziz bete zen Streets for Kids ekimenaren harira. Egun horretan, kaleak autoen ordez umeentzako gune bilakatu ziren: jolaserako eta elkartzeko espazio irekia izan zen gure auzoa. Ekimenaren helburua argia da: haurren eskubidea aldarrikatzea hiri-ingurune seguru, osasuntsu eta parte-hartzaile batean bizitzeko. Horretarako, egun batez, gure ikastetxe inguruko errepideak trafikorik gabe utzi genituen eta haurrek kalea bere egin zuten. 🎈 Jolasak, tailerrak, eta irribarreak izan ziren protagonista. 📹 Egun berezi horren laburpen bideoa prestatu dugu, etxean ere ekuntza berriz bizitzeko. Hemen ikus dezakezue: 👉 Ikusi bideoa hemen Eskerrik asko parte hartu duzuen guztioi eta hiri atseginago baten alde egiten jarraitzen duzuen familiei. Kaleak guztiontzat dira… baina lehenik eta behin, haurrentzat!

Gaur, apirilaren 23an, Liburuaren Eguna da mundu osoan. Guk, ordea, oporretan gaudenez, Elatzetan aurreratu genuen ospakizuna eta apirilaren 11n ospatu genuen Liburuaren Eguna ikastetxean. Egun berezi hau irakurketaren eta literaturaren inguruan gozatzeko aukera paregabea izan zen. Ikasleek eta irakasleek elkarrekin parte hartu zuten jarduera desberdinetan: ipuin kontakizunak, txontxongiloak eta sormen tailerrak, besteak beste. Gure helburua argia zen: irakurketa ohitura gisa sustatzea eta liburuek eskaintzen duten magia partekatzea. Egun horretako giroa eta une bereziak jasotzen dituen bideo labur bat ere prestatu dugu. Hona hemen esteka: 📽️ Liburuaren Eguna Elatzetan – 2025eko ospakizuna Eskerrik asko parte hartu duzuen guztioi, eta irakurketaz gozatzea ez dadila egun bateko kontua izan!

Pozik eta ilusioz beteta aurkezten dugu Bizi-Busaren 2. edizioa Elatzeta Ikastetxean!  Ikasturte hasierako lehen esperientziaren arrakasta ikusita, oraingoan ere berriz abiatuko dugu ikasleen bizikletazko ibilbide kolektiboa! Zer da Bizi-Busa? Bizi-Busa  “Streets for kids” ekimenarekin bateginez,  hezkuntz-komunitateak osatzen duten bizikleta-karabana bat da;  Ekintzak helburu zehatz bat izan zuen: eskolara modu seguruan iristeko bidegorri bat izateko eskubidearen aldarrikapena.  Mugikortasun iraunkorra eta segurua sustatzeko asmoz, ikastetxea bi kale nagusiren bidez lotuko duen bidegorria sortzea izan zen eskaera. Zehazki,  Bizkaia kalea eta Harmugarrieta kaleetan ez baitago aukerarik modu seguru eta legezko batetan eskolara txirrindan iristeko. Horretarako, eskolara bidean, hainbat geltoki egiten dira, eta parte-hartzaileak pixkanaka biltzen joan dira "karabana" berezi honetan. Gure aldarripakenez gain,  ikasgeletan garraio jasangarriaren bultzatz...

  Martxoaren 8an Emakumeen nazioarteko eguna ospatzen da. Aurten, ikasle bakoitzak berarentzat kuttun den emakume baten argazkia ekarri du eta argazki guztiekin mural handi bat osatu dugu auzoko frontoian.  Ikusi nahi duzue, nola osatu genuen murala? Sartu hemen!  Oharra: Murala ikusgai duzue ikastetxean, idazkaritza ondoko kristaleran!

 Otsailak 28an, Inauteriak ospatu genituen Elatzetan. Aurtengo inauterietako gaia "Elatzetako menua" izan da, eta ikasleek gure herriko gastronomia aberatsa islatu dute.  Goizeko lehen orduan, ikasleek  aurrez prestatutako mozorro paregabeak jantzi zituzten. Gelako argazkiak ikusi nahi badituzue egin klik hemen! Hamaiketakoaren ondoren, Lehen Hezkuntzako ikasleak auzoan barrena kalejira egin zuten, auzoko frontoian bukatu zutelarik. Ordurako, Haur Hezkuntzako ikasleak ere bertara hurbildu ziren eta denon artean emanaldi bikaina egin zuten! Inauterietako emanaldiko laburpen bideoa ikusteko,  egin klik hemen!   Haur Hezkuntzako 2 urteko ikasleek gelan egin zuten beraien emanaldia. Ikusi hemen!  Aurtengo inauterietan parte hartu duten ikasle, irakasle zein familia guztiei, eskerrik asko!